O pasado 1 de maio volvimos xuntarnos entre 150 e 200 persoas (dependendo do momento) para facer un bloco precario na mani da CGT-CUT.Antes de comezar a mani colgamos unha faixa co lema “Contra a alta velocidade” desde a Vía Norte para que se vira desde a Renfe, según as compas de Galiza Livre na estación había presencia policial por se se repetía a viaxe gratuita do ano pasado.
No bloco levabamos unha faixa de cabeceira co lema “Paremos a Precariedade, Dereitos Sociais Xa” e logo ían a faixa da Asemblea de Mulleres co lema "Nem escravas do trabalho, nem do heteropatriarcado" e da Asemblea Antifascista.
Para dar un impacto visual, levabamos un Tren de Alta Velocidade cunha locomotora conducida por un demo e uns vagóns nos que ían diferentes problemáticas asociadas á precariedade (traballo basura, accidentes laborais, especulación, destrucción do medio, etc).
Durante o percorrido para facelo máis ameno unhas compañeiras acompañaban a marcha con música, pero durante todo o percorrido non deixamos de corear os lemas contra a precariedade, os accidentes laborais, o capitalismo, a liberdade das presas, etc.
Un grupiño ao paso da mani ía decorando as fachadas das empresas e bancos que nos explotan durante todo o ano, tanto con esprais como con pegatas, e a moitos dos locais que decidiron abrir nesta data de loita, lembráronlle que no 1 de maio non se traballa, con bombas fétidas e de palabra…
Ao rematar o percorrido dos sindicatos, agardamos a que lesen os seus comunicados e animamos ás asistentes a romper con nós o Tren Da Precariedade, e que nos acompañasen nun último tramo pola rúa do Príncipe, aquí continuamos denunciando todo o anterior, pero tamén lembrando que precisamos espazos público para as persoas e non rúas peonais que se convirtan en Centros Comerciais abertos, tamén lembramos a recente decisión de poñer nesta rúa cámaras de videovixilancia.
Ao paso polo local do Círculo Mercantil que visitamos o ano pasado, tiñamos presencia policial polo que desta vez só nos comunicamos con elas desde fora.
Rematamos o percorrido no cruce con Colón agradecendo a todas a asistencia e lembrando que tiñamos un xantar comunitario no LS Faísca.
Precarias en Loita
Manifesto: http://precarias.arkipelagos.net/node/126
Máis Fotos do Bloco Precario:
http://galiza.indymedia.org/gz/2008/05/15528.shtml
http://precarias.arkipelagos.net/image/tid/8
http://www.comunidadebasecoia.org/index.php?option=com_rsgallery2&Itemid=57&gid=10
Fotos da mani da CGT-CUT en xeral: http://galiza.indymedia.org/gz/2008/05/15486.shtml
Video:
