Ás 12h. desde a Praza dos Cabalos.
O 1 de Xuño a cidadanía europea manifestarase de xeito conxunto baixo
o lema "POBOS UNIDOS CONTRA A TROIKA". Os estados portugués, francés,
italiano, galego, escocés, español, grego, alemán... participarán nunha
xornada de loita conxunta contra os tres responsables das medidas de
austeridade: BCE, FMI e CE.
Ese sábado 1 de Xuño, ás 12:00 Vigo sairá á rúa nunha manifestación
que percorrerá as rúas da cidade dende a Praza de España á Porta do Sol.
Velaquí tedes o texto desta convocatoria:
O 1 de xuño as vítimas do capitalismo saímos as rúas de Europa.
Saímos en contra dese sistema baseado na inxustiza social, a degradación
medioambiental, o empobrecemento da maioría da poboación e a
explotación dxs de abaixo por parte dxs de arriba.
Pobos de toda Europa protestamos pola ditadura da troika (FMI, BCE e
Comisión Europea). Levantámonos contra a hexemonía dese “Mercado”, que
queren facernos crer que é impersoal, cando en realidade é un complexo
mafioso composto por banqueiros, especuladores financeiros e
inmobiliarios e por unha casta política allea á realidade das persoas.
A crise, que queren facernos crer que é un accidente, non é mais que
un paso ben planeado no camiño de acumulación de riquezas e poder
político por parte dunhas poucas persoas, xentes privilexiadas, alleas
ás consecuencias devastadoras dun sistema que elxs mesmxs manexan.
Todxs nós, saímos á rúa para rebelarnos contra a perda de soberanía
popular; rebelámonos contra o o desemprego e a precariedade, a
explotación laboral, o espolio dos bens naturais e públicos, o deterioro
e o desmantelamento dos servizos públicos (sanidade, educación, cultura
e a seguridade social...); rebelármonos, porque sabemos que o deterioro
das nosas condicións de vida non é máis ca un bo negocio para elxs.
Elxs o que queren é a nosa escravitude e submisión.
O 1 de xuño, saímos á rúa para dicir que todxs nós somos antisistema,
porque o sistema está en contra nosa, e non aceptamos a criminalización
da oposición política.
O sábado 1 de xuño concentrámonos na rúa porque xa tódolos días
anteriores estivemos comprometidxs noutras solucións solidarias,
construtivas, participativas e sostibles.
O 1 de xuño saímos á rúa porque queremos dicir coas nosas propias
voces, que SI, que NÓS PODEMOS construír un futuro mellor para a nosa e
as seguintes xeracións, e que para que isto funcione so é preciso que
sexan elxs xs que paguen a crise. Que “abeiren o ombreiro” de verdade ou
QUE LISQUEN TODXS.
POBOS UNIDOS CONTRA A TROIKA!!
