CAMPAÑA CONTRA AS DEPORTACIÓNS, BOICOT A GLOBALIA E A AIR EUROPA

Desde o GAS de Vigo, sumámonos a esta Campaña que en Galiza coordina o Foro Galego da Inmigración

As persoas e organizacións que formamos parte da Campaña Estatal polo Peche dos CIE dirixímonos a vostedes para solicitar a vosa adhesión á iniciativa coa que pretendemos por fin ás deportacións forzadas de inmigrantes desde o Estado español cara a países africanos, latinoamericanos, asiáticos e do Leste de Europa.

Quen somos?

A Campaña Estatal polo Peche dos CIE é unha coordinación de colectivos antirracistas e de loita contra as fronteiras. Desde fai anos vimos loitando polo peche dos Centros de Internamento de Estranxeiros e denunciando a persecución, a represión e as deportacións forzadas ás que se ve sometida a poboación inmigrante no Estado español.

Seguramente coñeceredes a existencia dos CIE, estas cárceres encubertas onde as persoas inmigrantes son encerradas ata sesenta días por non ter papeis: aproximadamente a metade son deportadas aos seus países de orixe, mentres que para a outra metade o internamento é un castigo en si mesmo.

Desde a miña cidade se deporta?

Tódolos anos o Ministerio do Interior expulsa a miles de inmigrantes mediante avións de deportación: amplísimo dispositivo policial, que dobran ao número de persoas expulsadas, actúan con impunidade e violencia, amparados nun Protocolo para as Repatriacións literalmente brutal. As inmobilizacións humillantes son só o paso previo aos golpes e tundas, mentres o uso de sedantes pode ser autorizado polo persoal médico encaixado no operativo policial.

No último ano, desde España fretáronse 134 voos de deportación, exclusivamente dedicados a estas expulsións colectivas. Para enchelos, o Ministerio do Interior organiza redadas racistas, convertidas en verdadeiras cazas por nacionalidade. Non só se atrapa a persoas polas rúas, senón que a policía os fustriga nos seus propios domicilios. As capturas de inmigrantes sucédense nas semanas e días previos ao voo. A veces o traslado final ao aeroporto prodúcese desde os Centros de Internamento; mais outras moitas veces son detidas nas 72 horas previas ao voo, polo que se as levan ao avión directamente desde os calabozos policiais, nas chamadas Deportacións Express.

Os reponsables e os seus intereses

Durante anos, estas deportacións leváronse a cabo a través de diversas compañías aéreas. Desde o ano 2013, o Ministerio del Interior firmou contratos monopolistas con dúas compañías, Swift Air e Air Europa, polo que estas recibirán, ata 2016, uns 36 millóns de euros polo noxento negocio das deportacións.

Isto é exactamente o que se embolsa Air Europa de diñeiro público por levarse á forza a miles de persoas tódolos anos nestes macabros voos de deportación:

    10.500 euros por hora de voo en avións de menos de 120 prazas
    17.000 euros por hora de voo en avións de 120 a 200 prazas
    22.000 euros por hora de voo en avións de máis de 200 prazas

Air Europa forma parte do grupo Globalia. Precisamente en datas próximas ao seu primeiro contrato para as deportacións, Abel Matutes, exministro de Aznar, comprou o 5% da compañía. Juan José Hidalgo é o máximo accionista. Agradecido con este conglomerado empresarial que lle fai o traballo sucio, o goberno aprobou outros contratos con Air Europa por centos de millóns de euros.

Nos avións comerciais

Por outra banda, seguen sucedéndose deportacións en voos comerciais, neste caso poden producirse con calquera compañía. Trátase de aproveitar un traxecto nun voo regular para introducir nel a unha persoa –ou un grupo moi reducido delas– fortemente escoltada, e realizar pola forza a súa deportación.

Nestes casos, a policía soe tratar de evitar que o resto da pasaxe sexa consciente de que no mesmo avión se está realizando unha expulsión. Solen introducir á persoa pola escaleira de atrás, colócana na parte traseira separada do resto da pasaxe e exercen a violencia sobre ela, incluso amordazándoa, para evitar que se saiba o que está sucedendo.

Osamuyi Aikpitanyi, de nacionalidade nixeriana, morreu asfixiado nunha destas deportacións no año 2007.

Que podemos facer?

Para frea-las deportacións, existe unha campaña de boicot a Air Europa, Swift Air e todo o Grupo Globalia. Estas son algunhas das maneiras de que o voso colectivo poida adherirse á mesma:

● Non viaxar en Air Europa nin Swift Air, nin con Halcón Viajes, Viajes Ecuador, Latitudes, Iberrail, Touring Club ni Travelplan, así como no aloxarse nos Hoteis Be Live.

● Facer público o voso boicot a estas empresas. Se nos escribides ao noso correo electrónico, encargarémonos de servir de altofalante da vosa decisión.

● Organizar charlas u outras actividades e difundir material da campaña. Podedes escribirnos a esta dirección de correo electrónico se queredes recibir por correo postal adhesivos, panfletos, etc., así como para concertar charlas e debates sobre o asunto.

● Sumarvos a convocatorias ou realizar pola vosa conta actos de protesta tanto nas oficinas de Air Europa e Swift Air como nas oficinas das outras empresas implicadas (por exemplo fronte ás axencias de viaxes Ecuador e Halcón).

● Se viaxas en avión e asistes a unha tentativa de deportación, podes negarte a viaxar nun voo no que se levan a alguén pola forza: fala co resto da pasaxe, protesta á tripulación, non te sentes ata que saquen do avión á persoa á que pretendían expulsar.

Un cordial saúdo e grazas pola vosa atención

+info: http://stopdeportacions.org - https://stopdeportacion.wordpress.com

As conserveiras da Ría de Vigo arden moito...

Isto pasa por accidente, sofren ataques ludditas ou hai intereses detrás? 

Se alguén o sabe que nolo conte...

Incendio en Fandicosta | Un gran incendio destruye tres frigoríficos y una planta de elaboración de congelados de Fandicosta

A raíz deste novo incendio, compre lembrar a cronoloxía dos accidentes nas empresas da Ría de Vigo vinculadas ao peixe conxelado e conservas:

• 2005: Pereira no Berbés. Vigo.

• 2011: Frigoríficos do Berbés coa empresa en liquidación. Vigo.

• 2011: Lago Paganini. Cangas.

• 2012: Antonio Alonso. Bueu.

• 2015: Freiremar. Vigo.

• 2016: Fandicosta. Domaio.

MALCOLM X dixo:

"En las plantaciones había dos tipos de esclavos: el doméstico y el que trabajaba en el campo. El esclavo doméstico tenía buena ropa, comía bien, vivía en el ático o en el sótano de la casa del amo. Lo quería al amo más de lo que el amo se quería a sí mismo. En cambio el esclavo del campo vestía andrajos, comía muy mal, odiaba al amo. La mayoría eran esclavos del campo. Si la casa del amo se incendiaba, el esclavo doméstico corría a apagar el fuego; el esclavo del campo, rogaba que corriera viento que avivara las llamas. Yo soy un esclavo del campo, este no es mi gobierno. Y aún hoy, siguen usando a los esclavos domésticos para controlarnos..."

f

“INDEPENDIZARSE DO CAPITALISMO. Situación actual e perspectivas” con JM Busqueta, Albert Sales e Clara Griera

É a crise un fenómeno inherente ao capitalismo, ou un froito do seu mal funcionamento? É a pobreza un dos seus efectos colaterais ou un eixo central do mesmo? 

Qué futuro nos agarda neste sistema? Existen posibilidades de enfrontarse a el?.

Estas cuestións e moitas outras sobre a situación socio-económica e política actuais e posibilidades futuras, abordarémolas con Josep Manel Buesqueta, Albert Sales e Clara Griera na mesa redonda: “INDEPENDIZARSE DO CAPITALISMO. Situación actual e perspectivas”. 

Organizada pola ODS-Coia, o GAS e a distribura Lapsus o VENRES 1 de abril ás 20:00 no local da coopertiva Árbore (R/ López Mora, 30 - Vigo).

Na mesa participarán: 

-J. Manel Busqueta, economista membro Seminari d'Economia Crítica Taifa e exdeputado da CUP. 

- Albert Sales, politólogo e sociólogo, profesor da UPF e investigador no eido da loita contra a pobreza e a desigualdade. 

- Clara Griera, integrante da cooperativa l'Olivera de Vallbona de les Monges e da CUP de Bellpuig. 

VÍDEOS DE Gz CONTRAINFO

Mesa redonda: https://youtu.be/1uy9L5FUJKM

Entrevistas:

Albert Sales > https://www.youtube.com/watch?v=QXqNkuZeWxM

Clara Griera > https://www.youtube.com/watch?v=QdX0V7HP4uY&nohtml5=False

Busqueta > https://www.youtube.com/watch?v=rvvkoBwXdJg&nohtml5=False

Xornadas da Risga á Renda Básica 02/04/16 na Gentalha do Pichel (Compostela)

Baladre organiza o sábado 2 de abril unhas xornadas baixo o título: “Da RISGA á Renda Básica das iguais”.

Serán en Compostela en A Gentalha do Pichel (r/Santa Clara 21).

Mentres continuamos cos preparativos pedímosvos que se tedes intención de ir que nolo comuniquedes a través do email > odscoia@riseup.net.

Hai posibilidade de xantar no propio centro social, polo que se tedes idea de facelo con nós comunicádenolo.

PROGRAMA:

10:00
Presentación da xornada.

10:15 a 11:45
“Planeta carroña. O capitalismo actual e as súas consecuencias”, a cargo de J. M. Busqueta (Seminari Taifa)

12:00 a 14:00
“O seu benestar e o noso malestar”:
- “A función da pobreza no capitalismo”, a cargo de Albert Sales (sociólogo e profesor de universidade Pompeu Fabra)
- “A Galiza máis excluída”, a cargo de Leticia Castro (educadora social)

Xantar

16:00 a 17:00
“L'Olivera, 42 anos de economía social”, a cargo de Clara Griera (Cooperativa L'Olivera)

17:00 a 18:30
“Da RISGA á Renda Básica das iguais”, a cargo de Mari Fidalgo e Manolo S. Bayona (Baladre)

18:30 a 19:30
“Os Puntos de Información e Denuncia e Asembleas de empobrecidas-precarias”:
- Ruth López (Punto de Información Erletxea en Irún)
- Beatriz Lorenzo (ODS-Coia)

19:30
Lectura das propostas recollidas na xornada.

+info:
http://odscoia.arkipelagos.net/
http://www.coordinacionbaladre.org/

Concentración en SOLIDARIEDADE cos TITERITEIROS 12/02/16

Diversos colectivos da cidade queremos amosar a nosa condena á detención e encarceramento o pasado 5 de febreiro de Raúl e Alfonso, integrantes da compañía “Títeres desde Abajo” pola representación da obra satírica “La bruja y Don Cristóbal”.

Parécenos intolerable a actuación do Xuíz da Audiencia Nacional que decretou de forma inmediata a prisión provisional e sen fianza dos artistas, baixo a acusación de enaltecemento do terrorismo e apoloxía da violencia, por amosar, entre outras cousas, na obra, unha pancarta co lema “Gora alka-eta” e representar o aforcamento dun monicreque caracterizado de xuíz.

Esta actuación por parte do estado e do seu “aparato xudicial”, supón unha mostra, gravísima e desproporcionada, do proceso de criminalización que está a sufrir a loita e a denuncia social.

Asistimos estupefactas á utilización política da xustiza por parte do poder, ás detencións de compañeiras polo mero feito de berrar contra este sistema que nos oprime, ás montaxes policiais contra as “disidentes”, á represión pola forza da liberdade de expresión,…

Estamos fartas de que nos criminalicen e nos esmaguen. En solidariedade con todas as represaliadas do Estado, esiximos o arquivo dos cargos contra os artistas.

Pola xustiza social. Pola liberdade de expresión. Contra a represión.

Amnistía social xa!

Concentración: STOP POBREZA ENERXÉTICA 04/02/16

 Xoves 4 febreiro ás 11:30. Diante da Delegación da Xunta de Galicia en Vigo.

Cos nosos dereitos non se negocia. Suministros básicos para todas!.

A Xunta de Galicia, un ano máis, ven de convocar unhas mal chamadas “axudas públicas” contra a pobreza enerxética. Coma sempre, volven a ser uns parches propagandísticos, miserentos, restritivos e totalmente inútiles para loitar contra a precaria situación na que se atopan moitas familias do noso país. Ao igual que o Concello de Vigo, a Xunta intenta agochar con esmolas o terror que sofren moitos fogares en Vigo e na Galiza que son privados duns mínimos para a vida.

Sufrimos a miseria e a precariedade que provoca a privatización dos dereitos básicos, convertidos, hoxe, en produtos de consumo sometidos ao mercado e non ao interese colectivo. Os nosos dereitos máis básicos: poder vivir con luz, quentar os nosos fogares, ducharnos ou quentar a comida están a ser sometidos á lóxica perversa e depredadora da especulación dos mercados.

Mentres nós sufrimos a violencia dos cortes de luz, as grandes empresas enchen os petos facendo negocio coas nosas necesidades:

As tres grandes compañías con actividade no Estado —Iberdrola, Unión Fenosa Gas Natural e Endesa— manteñen, ano tras ano, os seus beneficios, sempre por riba dos 5.000 millóns de euros, e no ano 2015 todas as grandes eléctricas aumentaron beneficios nun 18% máis que no ano anterior.

Eles enriquécense, co beneplácito dos gobernos, mentres nos morremos de fame e frío:

España ocupa o cuarto lugar entre as facturas máis caras de Europa. Segundo o “Informe Robinson”, a electricidade nos fogares do Estado Español encareceuse nun 52% entre 2008 e 2014, unha suba que duplica a media da Unión Europea.

O sistema capitalista que nos absorbe, aumenta cada vez máis a brecha crecente entre as que máis teñen e as que menos, o que fixo que se triplicase a pobreza enerxética na Galiza, que afecta xa a unha de cada dez familias (100.000 fogares).

No estado español, estímase que 5,1 millóns de persoas sofren a pobreza enerxética, unha cifra que aumentou nun 47% nos últimos cinco anos.

Perante esta situación, berramos que estamos fartas de promesas e propaganda. Fartas da mercantilización do que ten que ser un dereito universal. Fartas deste sistema que nos condena á miseria e á precariedade.

Esiximos o que é de todas, o que nos teñen arrebatado ás administracións incompetentes e as grandes empresas.

Esiximos:

1º. Xestión pública dos servizos básicos: fin das concesións ás empresas privadas que non garanten os nosos dereitos.

2º. Luz, auga e gas para todas: tarifas sociais en función dos recursos das persoas. Quen non ten non paga..

3º Cese inmediato dos cortes de suministros.

Vigo, 4 febreiro 2016

Crónica do Acto: http://odscoia.arkipelagos.net/cr%C3%B3nica-da-concentraci%C3%B3n-stop-pobreza-enerx%C3%A9tica

Prensa: http://www.farodevigo.es/gran-vigo/2016/02/05/colectivos-sociales-exigen-pobreza-energetica/1398635.html

Unha manifestación contra a 'ilegalización' de Causa Galiza percorrerá Compostela o 24 de xaneiro

Vídeo galizacontrainfo:

Extraído de Sermos Galiza:

O 30 de outubro un operativo policial ordenado pola Audiencia Nacional procedía á detención en varias localidades galegas de 9 militantes de Causa Galiza, que foron trasladados a Madrid para, após unha fin de semana nos calabozos da Garda Civil, pasar a disposición xudicial e ser postos en liberdade con cargos. A operación, denominada 'Jaro', deixaba tamén unha decisión sen parangón na historia recente de Galiza: a ilegalización de facto dunha organización política.

Para denunciar esta ilegalización e exixir o respecto aos “dereitos civís e políticos”, por volta dunha trintena de asociacións, entidades e organizacións apoian unha manifestación que vai decorrer o 24 de xaneiro en Compostela. Será a partir das 12:00 horas na Alameda e co lema “Polos dereitos civís e políticos para todas e todos. Non á ilegalización de organizacións políticas”.

"Salto cualitativo"

Este sábado o centro social A Gentalha do Pichel, en Compostela, acolleu un acto para informar da mobilización. Procesados na 'Operación Jaro' e representantes de diversas entidades compareceron para denunciar o que entenden que é un “salto cualitativo” por parte do Estado español, no que a Audiencia Nacional actúa contra o independentismo organizado politicamente e que actúa de forma pública e na legalidade. A Audiencia Nacional decidiu na 'Operación Jaro' a “suspensión cautelar” de Causa Galiza por tres anos, mais os procesados sinalan que iso é unha ilegalización de facto, a morte política e civil dunha organización.

Constátase, entre convocantes e axentes políticos e sociais que apoian a manifestación, preocupación pola involución que afirman que se está a dar no Estado español. Neste escenario entenden que é necesario como sociedade galega dar unha resposta e nesa dinámica enmárcase a manifestación do vindeiro 24 de xaneiro.

Quen apoia a manifestación?

As organizacións que apoian a mobilización son Afiadoras de Futebol Gaélico, Agir, Agora Galiza, A Riada do Tea, Associaçom Antifascista Jimmy Sempre con Nós, Associaçom Cultural Amigos da Cultura de Ponte Vedra, Associaçom Cultural Festival de Brétemas, Associaçomde Luita Livre Olímpica Alacrám Vermelho, Adega, Briga, Ceivar, Centro Social A Galheira, Centro Social A Gentalha do Pichel, Centro Social auto gestionário O Fresco, Centro Social Faísca, Centro Social Madia Leva, Centro Social Revolta, Colectivo Nacionalista de Marim, Comité de Solidariedade com os Presos e Presas Políticas, CIG, Fundaçom Artábria, Grupo de Axitación Social de Vigo, Movemento polos Dereitos Civís, Mulheres Nacionalistas Galegas, Partido Comunista do Povo Galego, Que volten para a casa!, Rede colectivos a Ría nom se Vende, Riazor Blues, Sociedade Deportiva e Cultural do Condado, Verdegaia, Xebra Associaçom e Xeira.